2020-06-03
Polşada “Rzeczpospolita” qəzetinin əlavəsi kimi Azərbaycan ilə bağlı jurnal buraxılıb

Azərbaycanın Polşadakı səfirliyinin təşkilatçılığı ilə ölkənin nüfuzlu “Rzeczpospolita” qəzetinin əlavəsi kimi Azərbaycan ilə bağlı jurnal buraxılıb.

AZƏRTAC xəbər verir ki, əlavə, həmçinin qəzetin nəzdində fəaliyyət göstərən “Historia” jurnalının internet səhifəsində işıqlandırılıb - (historia.uwazamrze.pl/artykul/1149413/azerbejdzan-dodatek-specjalny).

Əlavədə aşağıdakı mövzular əhatə edilib:

- Azərbaycanın ümummilli lideri Heydər Əliyev və Roma Papası II İoann Pavel

- Bakıda Polyak memarları küçəsi

- Azərbaycan iqtisadiyyatının dayanıqlı inkişafı

- Heydər Əliyev Fondunun fəaliyyəti

- Polşada Azərbaycan izləri

- Azərbaycanda Polşa izləri

- Ermənistan-Azərbaycan Dağlıq Qarabağ münaqişəsi

- Azərbaycan memarlığı: qədim və müasir

- Bakı limanı – Polşa və Avropa şirkətləri üçün vacib hab

- Atropatena/Adobayqan/Azərbaycan adlı dövlətin yaranması haqqında

- Azərbaycan unudulmaz macəraya dəvət edir.

Qeyd edək ki, jurnalın şəkilləri arasında AZƏRTAC-ın şəxsi arxivindən olan nadir fotolar da yer alıb. Jurnalın tirajı 30 mindir.

əvvəlki xəbər