Azərbaycan Respublikası ilə Polşa Respublikası arasında ticarət dövriyyəsi
2024-cü ildə Azərbaycan Respublikası ilə Polşa Respublikası arasında ticarət dövriyyəsi 222,1 milyon ABŞ dolları təşkil edib. Bunun 153,7 milyon ABŞ dolları Polşadan Azərbaycana ixrac, 68,4 milyon dolları isə Azərbaycanın Polşaya ixracı olub.
Polşanın Azərbaycana ixracı ötən illə müqayisədə 10% artıb, Azərbaycanın Polşaya ixracı isə 3,5 dəfədən çox yüksəlib.
2025-ci ilin ilk yarısında da Azərbaycanla Polşa arasında ticarət dövriyyəsi artmaqda davam edib və 97,9 milyon ABŞ dolları təşkil edib. Bunun 90,5 milyon ABŞ dolları Polşanın Azərbaycana ixracı, 7,4 milyon ABŞ dolları isə Azərbaycanın Polşaya ixracı olub.
Əsas ixrac məhsulları: təzə tərəvəzlər, meyvə və tərəvəz şirələri, bentonit gili, təyyarə mühərrikləri üçün kerosin yanacağı.
Əsas idxal məhsulları: təzə və dondurulmuş balıq, pendir və kəsmik, şəkərli qənnadı məmulatları, şokolad və şokolad məhsulları, çörək və unlu qənnadı məmulatları, dərman preparatları, sürtgü yağları, sabun, sintetik yuyucu vasitələr, taxta lif lövhələr, məişət soyuducuları, paltaryuyan maşınlar, hesablama maşınları, blok və cihazlar, televiziya qəbulediciləri, qaz, maye və elektrik sayğacları, ofis, mətbəx, yataq otağı və digər mebel növləri.
|
İl |
Ticarət dövriyyəsi (milyon $) |
İdxal |
İxrac |
|
2021 |
111,1 |
5,4 |
105,7 |
|
2022 |
141,1 |
21,5 |
119,6 |
|
2023 |
161,2 |
20,5 |
140,7 |
|
2024 |
222,1 |
68,4 |
153,7 |
|
Yanvar -İyul 2025 |
97.9 |
90,5 |
7,4 |
Mənbə: Azərbaycan Respublikasının Dövlət Gömrük Komitəsi
İqtisadi əməkdaşlıq üzrə Hökumətlərarası Komissiya
Azərbaycan Respublikası ilə Polşa Respublikası arasında İqtisadi Əməkdaşlıq üzrə Hökumətlərarası Komissiya 2006-cı ildə yaradılıb. İndiyədək Komissiyanın 9 iclası keçirilib. Sonuncu iclas 23 oktyabr 2025-ci il tarixində Varşava şəhərində baş tutub.