İKİTƏRƏFLİ MÜNASİBƏTLƏR

Azərbaycan-Polşa münasibətləri

İkitərəfli münasibətlərin yaradılması haqqında məlumat:

Polşa Respublikası Azərbaycan Respublikasının müstəqilliyini 27 dekabr 1991-ci  ildə tanımışdır. İki ölkə arasında diplomatik münasibətlər 21 fevral 1992-ci ildə qurulmuşdur.

Polşa Respublikasının Azərbaycan Respublikasındakı Səfirliyi 23 avqust 2001-ci ildə təsis olunmuşdur. Azərbaycan Respublikasının Polşa Respublikasındakı Səfirliyi isə 30 avqust 2004-ci ildə açılmışdır.

Azərbaycan - Polşa münasibətləri hər iki ölkənin rəhbərliyi tərəfindən strateji tərəfdaşlıq münasibətləri kimi qiymətləndirilir. Əlaqələrinin yüksək səviyyəsinin göstəriciləri kimi, Prezidentlər, Baş nazirlər, Parlamentlərin Sədrləri və Xarici İşlər nazirləri səviyyəsində çoxsaylı qarşılıqlı səfərlər qeyd oluna bilər.

Azərbaycan Respublikasının Milli Məclisində Azərbaycan-Polşa parlamentlərarası əlaqələr üzrə işçi qrupu fəaliyyət göstərir və parlamentlərarası münasibətlərin genişlənməsində mühüm rol oynayır.

Səfərlər

Ali səfərlər

8-9 iyul 2016-cı il, Azərbaycan Respublikasının Prezidenti cənab İlham Əliyevin işgüzar səfəri;

26-28 iyun 2017-ci il, Azərbaycan Respublikasının Prezidenti cənab İlham Əliyevin rəsmi səfəri;

31 may 2019-cu il, Polşa Respublikasının Prezidenti cənab Andjey Dudanın rəsmi səfəri.

Baş nazirlər

10 mart 2010-cu il,  Polşa Respublikasının Baş naziri cənab Donald Tuskun rəsmi səfəri;

18 aprel 2010-cu il, Azərbaycan Respublikasının Baş naziri cənab Artur Rasi-zadənin təyyarə qəzasında həlak olmuş dövlət xadimlərinin dəfnində iştirak məqsədilə Polşaya səfəri.

Parlament sədrləri

8-10 noyabr 2006-cı il, Polşa Respublikası Senatının Marşalı cənab Boqdan Boruseviçin Azərbaycan Respublikasına rəsmi səfəri;

21-23 may 2007-ci il, Azərbaycan Respublikası Milli Məclisinin Sədri cənab Oqtay Əsədovun Polşa Respublikasına rəsmi səfəri;

18-20 iyun 2008-ci il, Polşa Respublikası Senatının Marşalı cənab Boqdan Boruseviçin Azərbaycan Respublikası Parlamentinin 90 illiyi ilə əlaqədar Bakıda keçirilən təntənəli tədbirlərdə iştirak məqsədilə Azərbaycana səfəri;

10-12 noyabr 2008-ci il, Azərbaycan Respublikası Milli Məclisinin Sədri cənab Oqtay Əsədovun Polşa Respublikasının yaranmasının 90 illik yubileyi ilə əlaqədar keçirilən tədbirdə iştirak məqsədilə Polşaya səfəri;

27 yanvar 2020-ci il Azərbaycan Respublikası Milli Məclisinin Sədri cənab Oqtay Əsədovun Osvensim-Birkenau düşərgəsinin faşistlərdən azad edilməsinin 75-ci ildönümü mərasimlərində iştirak üçün Polşa Respublikaısna işgüzar səfəri

 Xarici İşlər nazirləri

12-13 iyun 2008-ci il Azərbaycan Respublikasının Xarici İşlər naziri cənab Elmar Məmmədyarovun rəsmi səfəri;

17-19 iyul 2013-cü il, Polşa Respublikasının Xarici İşlər naziri cənab Radoslav Sikorskinin Azərbaycan Respublikasına rəsmi səfəri;

10-12 aprel 2017-ci il, Azərbaycan Respublikasının Xarici İşlər naziri cənab Elmar Məmmədyarovun rəsmi səfəri;

18-19 oktyabr 2017-ci il, Polşa Respublikasının Xarici İşlər naziri cənab Vitold Vaşçikovskinin rəsmi səfəri;

16-18 aprel 2019-cu il, Azərbaycan Respublikasının Xarici İşlər naziri cənab Elmar Məmmədyarovun rəsmi səfəri.

Müqavilə-hüquq bazası

Azərbaycan Respublikası ilə Polşa Respublikası arasında 51 sənəd imzalanmışdır. Azərbaycan Respublikasının Prezidenti cənab İlham Əliyevin Polşaya rəsmi səfəri çərçivəsində 27 iyun 2017-ci il tarixində “Azərbaycan Respublikasi ilə Polşa Respublikası arasında “Strateji tərəfdaşlıq və iqtisadi əməkdaşliğa dair yol xəritəsi haqqında Birgə Bəyannamə” imzalanmışdır.

Humanitar sahədə əməkdaşlıq

2013-cü ildə Ümummilli Lider Heydər Əliyevin 90 illik yubileyi münasibətilə, Qnejno şəhərində iki ölkəarasında diplomatik əlaqələrin qurulmasının 540, bərpasının 20 illiyinə həsr olunmuş Azərbaycan-Polşa “Dostluq” abidəsinin açılışı olmuşdur.

Polşanın müxtəlif yerlərində, parklarında, təhsil müəssisələrində, ictimai binalarının üzərində və daxilində Azərbaycanın ictimai siyasi həyatında rolu olmuş polyakların və Polşanın ictimai siyasi həyatında rolu olmuş azərbaycanlıların şərəfinə 25 adda abidə və xatirə lövhəsi quraşdırılmışdır. 2017-ci ildə Varşavada yerləşən Yuzef Polinski adına parkda “Müstəqil Azərbaycan və Polşa uğrunda mübarizlərin xatirəsinə” abidəsi ucaldılmışdır. Abidə Azərbaycan Milli Ordusunun Baş Qərargah rəisi olmuş (1918-1920-ci illər) polyak əsilli general Matsey Sulkeviç və Polşa Respublikası Ordusunun və Milli Ordunun polkovniki olmuş Azərbaycan əsilli VəlibəyYadigarın şərəfinə qaldırılmışdır.

Polşanın 16 vilayətinin mərkəzi və əsas universitetlərinin kitabxanalarında Azərbaycan ədəbiyyatı fondu yaradılmışdır.

İqtisadi sahədə əməkdaşlıq

Azərbaycan Respublikası ilə Polşa Respublikası arasında ticarət dövriyyəsi

(milyon ABŞ dolları)

Mənbə: Azərbaycan Respublikasının Dövlət Statistika Komitəsi

İxracda əsas məhsullar: fındıq, bentonit, qablaşdırma kisə və paketlər, qara metallardan məmulatlar, ağacdan yeşiklər (qutular, səbətlər)

İdxalda əsas məhsullar: mexanizm elektrotexniki avadanlıqlar və onların hissələri, azqiymətli metallardan alətlər, əczaçılıq məhsulları, süd və süd məhsulları, ətriyyat kosmetik vasitələr

İqtisadi Əməkdaşlıq üzrə Hökumətlərarası Komissiya

“Azərbaycan Respublikası ilə Polşa Respublikası arasında İqtisadi Əməkdaşlıq üzrə Hökumətlərarası Komissiya” 2006-cı ildə yaradılmışdır. Komissiyanın bu günədək 7 iclası keçirilmişdir. Sonuncu iclas 20 dekabr 2016-cı il tarixində Varşavada keçirilmişdir.        

Yenilənib: 13.05.2021